პროექტის შესახებ

ვებპორტალი შეიქმნა USAID-ის სამოქალაქო განათლების პროგრამის ფარგლებში.

USAID-ის სამოქალაქო განათლების პროგრამა ხორციელდება ორგანიზაცია PH International-ის მიერ, ამერიკის საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. პროგრამის მიზანია მაღალი მოქალაქეობრივი შეგნების, სამოქალაქო პროცესებში ჩართული ახალგაზრდების აღზრდა. პროგრამა ითვალისწინებს ტექნოლოგიების დანერგვას სამოქალაქო განათლების სწავლა-სწავლების პროცესში, სკოლაში დემოკრატიული კულტურის განვითარების ხელშეწყობას, ბიზნესისა და სკოლების დაკავშირებას.

პროგრამაში მონაწილეობს 650 სკოლა საქართველოს მასშტაბით და მასში ჩართულები არიან მე-7-დან მე-12 კლასის ჩათვლით მოსწავლეები, პედაგოგები და სკოლის ადმინისტრაციის წარმომადგენლები.

პროგრამის პარტნიორები არიან: 11 რეგიონული ორგანიზაცია საქართველოს მასშტაბით, სამოქალაქო განათლების პედაგოგთა ფორუმი, გივი ზალდასტანიშვილის სახელობის ამერიკული აკადემია თბილისში, ჯეოლაბი და ამერიკული ორგანიზაცია „Resonance”.